2006 թվականի գարնանը Երևանում ստեղծվեց Շուշի վերածնունդ հասարակական բարեգործական հիմնադրամը, որի նպատակն է վերականգնել Շուշի քաղաքը, միակ պահպանված հայկական պատմական բերդաքաղաքը, որպես

Համահայկական մշակութային, կրթական, գիտական և զբոսաշրջության կենտրոն
Համահայկական միջոցառումների մշտական գործող ֆորում/հավաքատեղ
ԼՂՀ քաղաքական ` վարչական երկրորդ կենտրոն

Հիմնադրամը ստեղծվել է Երևանի քաղաքապետ Հիմնադրամի Հոգաբարձուների խորհրդի նախագահ Երվանդ Զախարյանի նախաձեռնությամբ: Խորհրդի կազմում ընդգրկված են Հայաստանի, Արցախի և Սփյուռքի հայտնի հասարակական և հոգևոր գործիչներ: Հիմնադրամին առընթեր մասնագիտական խորհրդատվությունների և Հիմնադրամի մարտավարության ու գործունեության ուղղությունների մշակման նպատակով ստեղծվել է նաև Փորձագիտական խորհուրդ, որը միավորում է տարբեր ոլորտների մասնագետների: Ստեղծվել է նաև Շուշիի Քաղաքաշինության խորհուրդ, որի առաջնային նպատակը քաղաքի հատակագծի մշակումն է:

Նպատակին հասնելու համար հիմնադրամը նախատեսում է իրականացնել մի շարք հասարակական միջոցառումներ, հավաքագրել և համախմբել պետական, հասարակական և մասնավոր ներուժը, Շուշիի վերածնունդը հռչակել Համազգային ծրագիր, որը երկարաժամկետ կլինի, համահայկական և կներգրավի պետական և մասնավոր միջոցներ` հայաստանյան և օտարերկրյա: Նախատեսվում է

Շուշի քաղաքը հռչակել քաղաք-արգելոց, օժտել այն հատուկ կարգավիճակով, որից կբխի ծրագրի կառավարման մեխանիզմը, ինչպես նաև ազատ առևտրի ռեժիմը և ներդրումների խրախուսման հարկային և մաքսային դաշտերը;
Մշակել և իրականացնել ներգաղթի ծրագրեր. քաղաքի օպտիմալ բնակեցման համար;
Կազմակերպել քարոզչական միջոցառումներ. նպատակ ունենալով հանրության մոտ Շուշիի նկատմամբ սեփականության զգացման ձևավորումը և ստեղծել կամավորական շարժում,
Շուշիում տեղակայել համազգային նշանակության հաստատություններ. մշակութային, կրթական և քաղաքական,
Ներդրումների գործնթացը խթանելու նպատակով ստեղծել առավելագույնս բարենպաստ դաշտ