«ՇՈՒՇԻ ՎԵՐԱԾՆՈՒՆԴ» ՀԻՄՆԱԴՐԱՄ

ԳԻՏՆԱԿԱՆՆԵՐ

Արտաշես Առաքելյան

(1909-1993թթ.)

Տնտեսագետ, Հայաստանի գիտությունների ակադեմիայի ակադեմիկոս (1960թ.)։ Եղել է ԼՂԻՄ մարզպլանի նախագահ, Մոսկվայի տնտեսագիտության ինստիտուտի գիտաշխատող։ Մոտ 30 տարի ղեկավարել է Հայաստանի ԳԱ տնտեսագիտության ինստիտուտը։ Բազմաթիվ աշխատությունների հեղինակ է։ Որպես տնտեսագետ միջազգային ճանաչում է վայելում։

Մարգար Առուստամով

(1854-1904թթ.)

Բժիշկ-համաճարակագետ, բժկական գիտությունների դոկտոր (1889թ.)։ Ավարտել է Սանկտ-Պետերբուրգի բժշկական ակադեմիան, մասնակցել է ռուս-թուրքական պատերազմին։ Ակտիվ մասնակցություն է ունեցել Աստրախանում խոլերայի համաճարագի վերացմանը 19-րդ դարի վերջին։ Մի շարք գիտական աշխատությունների հեղինակ է։ Թաղված է Շուշիում։

Ռուբեն Ավանեսով

(1902-1990թթ.)

Հայտնի լինգվիստ, ԽՍՀՄ ԳԱ թղթակից-անդամ։ Եղել է ԽՍՀՄ ԳԱ լեզվի պատմության և բարբառագիտության ինստիտուտի գիտական խորհրդի ներկայացուցիչ։ Գրել է “Ժամանակակից ռուսաց լեզվի քերականություն”-ը, ինչպես նաև ռուսաց լեզվի հնչյունաբանությանն ու բարբառագիտությանը նվիրված մի շարք աշխատություններ։ ԽՍՀՄ պետական մրցանակի դափնեկիր։

	Բահատուր Բահատրյան (1872-1934թթ.) Մաթեմատիկոս։ Ավարտել է Ժնևի համալսարանը և Գենտի (Բելգիա) ինժեներական դպրոցը։ Էջմիածնի ճեմարանում և Երևանի պետական համալսարանում դասավանդել է մաթեմատիկա։ Ունի գիտական աշխատություններ։

	Գևորգ Բակունց (1913-1987թթ.) Էլեկտրոնիկայի մասնագետ, դոկտոր, վաստակավոր գյուտարար։ Եղել է Հայգլխէներգոյի և Հայէներգոհսկողության տնօրեն։ Աշխատությունները նվիրված են էներգետիկ համակարգերի ավտոմատացմանը։

Հովնան Գաբրիելյան

(1876-1946թթ.)

Մանկաբույժ, գիտության վաստակավոր գործիչ, պրոֆեսոր (1930թ.)։ Ավարտել է Մոսկվայի համալսարանի բժշկական ֆակուլտետը, հիմնադրել է Երևանի և Բաքվի բժշկական ինստիտուտների մանկաբուժության ֆակուլտետները։ Մի շարք մանկական հիվանդությունների կանխարգելմանը նվիրված արժեքավոր աշխատությունների հեղինակ է։

	Հայկ Գյուլիկեխվյան (1886-1951թթ.) Փիլիսոփա, գրաքննադատ, հասարակական գործիչ։ Սովորել է Ցյուրիխի համալսարանում, ավարտել է Այդելբերգյան համալսարանի փիլիսոփայության ֆակուլտետը։ Եղել ԵՊՀ պրոֆեսոր և փոխռեկտոր։

1 2 3 4 5